Siope 21
1 Ka naʻe tali ʻe Siope, ʻo ne pehē,
2 “Fakafanongo lelei ki heʻeku lea, pea ko hoʻomou fakafiemālie eni.
3 Mou kātaki, kau lea atu; pea hili ʻeku lea, fai pe hoʻomou manuki.
4 ʻOiauē, he ʻoku ou liunga ki he tangata? Pea ka ne ko ia, ko e hā nai ʻe ʻikai mamahi ai hoku laumālie?
5 Tokanga mai, pea mou ofo, pea ʻai homou nima ki homou ngutu.
6 ʻIo, ʻi heʻeku fakamanatu ʻoku ou manavahē ʻaupito, pea ʻoku puke ʻa hoku kakano ʻe he tetetete.
7 “Ko e hā ʻoku moʻui ai ʻae angakovi, ʻo hoko ʻo motuʻa, ʻio, pea lahi ʻi he mālohi?
8 Kuo fakatuʻumaʻu honau hako fakataha mo kinautolu, pea mo ʻenau fānau ʻi honau ʻao.
9 ʻOku malu honau fale mei he manavahē, pea ʻoku ʻikai ʻiate kinautolu ʻae meʻa tā ʻae ʻOtua.
10 ʻOku fakatauʻi ʻe heʻenau pulu tangata ʻo touʻia taʻehala; ʻoku fānau ʻenau pulu fefine ʻo taʻetōhonoʻuhiki.
11 ʻOku nau tuku atu ʻenau fānau ʻo hangē ko e fanga sipi, pea ʻoku meʻe hopohopo ʻenau fānau.
12 ʻOku nau toʻo hake ʻae kihiʻi lali mo e haʻape, pea nau fiefia ʻi he leʻo ʻoe meʻa ifi.
13 ʻOku nau fakaʻosi honau ngaahi ʻaho ʻi he fakafiemālie, pea fakafokifā pe ʻoku nau ʻalu hifo ki he faʻitoka.
14 Ko ia ʻoku nau pehē ai ki he ʻOtua, ‘ʻAlu ʻiate kimautolu, he ʻoku ʻikai te mau holi ke ʻilo ho ngaahi hala.
15 Ko hai ʻae Māfimafi, ke pehē ke mau tauhi ia? Pea ko e hā ʻae totongi te mau maʻu, ʻo kapau te mau lotu ki ai?’
16 Vakai, ʻoku ʻikai ʻi honau nima ʻenau monūʻia: ʻoku mamaʻo ʻiate au ʻae fakakaukau ʻoe angahala.
17 “ʻOku liunga fiha ʻae tāmateʻi ʻoe maama ʻae angahala? Mo e hoko ʻenau fakaʻauha kiate kinautolu? ʻoku tufaki ʻe he ʻOtua ʻae ngaahi mamahi ʻi hono houhau.
18 ʻOku nau tatau mo e tefitoʻi kaho ʻi he mata ʻoe matangi, pea hangē ko e kafukafu ʻoku ʻave ʻe he afi.
19 ‘ʻOku hili ʻe he ʻOtua ʻa ʻene angahala ki heʻene fānau:’ ʻoku ne totongi kiate ia, pea te ne ʻilo ia.
20 ʻE mamata ʻe hono mata ki hono fakaʻauha, pea ʻe inu ia ʻi he houhau ʻoe Māfimafi.
21 He ko e hā ʻene fiemālie ʻi hono fale ʻamui ʻiate ia, ʻoka tuʻu ua mālie ʻae lau ʻo hono ngaahi māhina?
22 “ʻE akonakiʻi ʻe ha taha ʻae ʻOtua ke ʻilo? He ʻoku ne fakamaau ʻe ia ʻakinautolu ʻoku māʻolunga.
23 ʻOku mate ha tokotaha lolotonga ʻene mālohi lahi, mo ʻene nofo tofu pe mo fiemālie.
24 ʻOku fonu hono sino ʻi he ngako, pea lolololo hono ngaahi hui ʻi he uho.
25 Pea ʻoku mate ha tokotaha ʻi he mamahi lahi ʻo hono laumālie, pea ʻikai ʻaupito haʻane kai ʻe fiemālie ai.
26 Te na tokoto tatau pe ʻi he efu, pea ʻe ʻuʻufi ʻakinaua ʻe he fanga kelemutu.
27 “Vakai, ʻoku ou ʻilo hoʻomou ngaahi mahalo, mo e ngaahi filioʻi kovi ʻoku mou mahalo ʻaki kiate au.
28 He ʻoku mou pehē, ‘Kofaʻā ʻae fale ʻoe ʻeiki? Pea kofaʻā ʻae ngaahi nofoʻanga ʻoe kakai angahala?’
29 ʻIkai kuo mou ʻeke kiate kinautolu ʻoku feʻaluʻaki ʻi he hala? Pea ʻikai ʻoku mou ʻilo ʻenau ngaahi tala,
30 ʻAia kuo tuku tolonga ʻae angahala ki he ʻaho ʻoe fakaʻauha? ʻE taki atu ʻakinautolu ki he ʻaho ʻoe houhau.
31 Ko hai te ne fakahā hono hala ki hono mata? Pea ʻe totongi ʻe hai kiate ia ʻae meʻa kuo ne fai?
32 Ka ʻe ʻomi ia ki he faʻitoka, ʻe nofomaʻu ia ʻi he fonualoto.
33 ʻE melie kiate ia ʻae ngaahi tutuʻanga kelekele ʻoe luo, pea ʻe fusi kiate ia ʻae kakai kotoa pē, ʻo hangē ko e taʻefaʻalaua ʻae kakai naʻe muʻa ʻiate ia.
34 Pea ka kuo pehē, pea ko e hā ʻoku mou fakafiemālie taʻeʻaonga kiate au, kae vakai ʻoku ai ʻae loi ʻi hoʻomou ngaahi lea?”
Cross-references
216
- 2Heb 2:1, Job 15:11, Job 33:31–33, Jdg 9:7, Job 13:3–4, Job 33:1, Isa 55:2, Job 34:2
- 3Job 16:10, Job 17:2, Job 16:20, Job 13:13, Job 13:9, Job 12:4–5, Job 33:31–33
- 4Psa 42:11, Psa 102:1, Psa 142:2–3, Psa 22:1–3, 1Sa 1:16, Job 6:11, Psa 77:3–9, Exo 6:9
- 5Job 40:4, Jdg 18:19, Job 29:9, Pro 30:32, Job 17:8, Job 2:12, Job 19:20–21, Psa 39:9
- 6Hab 3:16, Lam 3:19–20, Psa 119:120, Psa 77:3, Psa 88:15
- 7Psa 73:3–12, Job 12:6, Jer 12:1–3, Psa 37:35, Hab 1:13, Psa 17:10, Dan 4:17, Hab 1:15–16
- 8Pro 17:6, Job 18:19, Job 20:28, Psa 17:14, Job 20:10, Job 5:3–4
- 9Job 9:34, Psa 73:5, Job 18:11, Isa 57:19–21, Psa 73:19, Job 15:21
- 10Exo 23:26, Psa 144:13–14, Deu 28:11, Deu 7:13–14, Luk 16:19, Ecc 9:1–2, Luk 12:16–21
- 11Psa 107:41, Psa 127:3–5
- 12Amo 6:4–6, Gen 4:21, Isa 5:12, Gen 31:27, Isa 22:13
- 13Job 36:11, Luk 12:19–20, Psa 73:4, Luk 17:28–29, Mat 24:38–39
- 14Job 22:17, Rom 8:7, Psa 10:4, 2Th 2:10–12, Jhn 15:23–24, 2Ti 4:3–4, Jhn 3:19–20, Pro 1:29
- 15Exo 5:2, Job 34:9, Mal 1:13–14, Isa 30:11, Pro 30:9, Psa 12:4, Hos 13:6, Job 35:3
- 16Job 22:18, Psa 1:1, Psa 52:5–7, Pro 1:10, Psa 49:6–7, Gen 49:6, Job 12:9–10, Job 1:21
- 17Job 18:5–6, Pro 20:20, Pro 13:9, Job 18:18, Luk 12:46, Mat 25:8, Pro 24:20, Psa 90:7–9
- 18Psa 1:4, Psa 83:13, Psa 35:5, Job 13:25, Isa 17:13, Isa 29:5, Jer 13:24, Hos 13:3
- 19Exo 20:5, Ezk 18:19–20, Isa 53:4–6, Ezk 18:2, Isa 14:21, Jer 31:29, 2Co 5:21, Psa 109:9–31
- 20Psa 75:8, Rev 14:10, Isa 51:17, Jer 25:15–16, Rev 19:15, Psa 60:3, Luk 16:23, Jer 51:7
- 21Job 14:5, Luk 16:27–28, Psa 102:24, Psa 55:23, Job 14:21, Ecc 2:18–19
- 22Rom 11:34, 1Co 2:16, Isa 40:13–14, Isa 45:9, Ecc 5:8, Jud 1:6, Job 15:15, Job 40:2
- 23Psa 49:17, Luk 12:19–21, Job 20:22–23, Psa 73:4–5
- 24Pro 3:8, Psa 17:10, Job 15:27
- 25Ezk 4:16–17, Job 7:11, Job 9:18, Job 10:1, Pro 14:10, Isa 38:15–17, 2Sa 17:8, Job 20:23
- 26Ecc 9:2, Isa 14:11, Job 20:11, Job 3:18–19, Job 17:14, Psa 49:14, Job 24:20, Job 19:26
- 27Luk 5:22, Psa 119:86, Job 4:8–11, 1Pe 2:19, Job 15:20–35, Job 5:3–5, Job 20:5, Job 20:29
- 28Job 20:7, Job 8:22, Job 31:37, Hab 2:9–11, Zec 5:4, Psa 37:36, Job 1:3, Num 16:26–34
- 29Psa 129:8
- 30Pro 16:4, 2Pe 2:9–17, 2Pe 3:7, Rom 2:5, Job 20:28, Nam 1:2, Zep 1:15, Rev 6:17
- 31Deu 7:10, Gal 2:11, Rom 12:19, Isa 59:13, Job 41:11, Job 21:19, Mrk 6:18, 1Ki 21:19–24
- 32Luk 16:22, Psa 49:14, Ezk 32:21–32
- 33Heb 9:27, Job 24:24, Job 30:23, Job 3:22, Gen 3:19, Job 3:17–19, Ecc 1:4, Ecc 8:8
- 34Job 16:2, Job 13:4, Job 32:3, Job 42:7
Topics in this chapter
34
Afflictions and Adversities, Amusements and Worldly Pleasures, Blasphemy, Blindness, Chaff, Character, Children, Corruption, Dancing, Death, Falsehood, God, Happiness, Harp, Hell, Heredity, Infidelity, Job, Judgment, Music, Pleasure, Prayer, Prayerlessness, Pride, Rich, the, Scoffing, Self-Righteousness, Sin, Skepticism, Stubble, Timbrel, Vanity, Wicked (People), Worldliness