Siope 12
1 Pea naʻe tali ʻe Siope, ʻo ne pehē,
2 Ta ko kimoutolu pe ʻae kakai, pea ʻe mate mo kimoutolu ʻae poto.
3 Ka ʻoku ai hoku loto ʻo hangē pe ko kimoutolu; ʻoku ʻikai te u siʻi hifo au kiate kimoutolu: ʻio, ko hai ʻoku ʻikai ke ne ʻilo ki he ngaahi meʻa pehē ni?
4 ʻOku ou tatau mo ha taha ʻoku taukaea ʻe hono kaungāʻapi, ʻo pehē, ʻoku ne ui ki he ʻOtua, pea ʻoku ne talia ia: ʻoku kata manukia ʻae tonuhia mo e angatonu.
5 ʻO hangē ko e maama kuo fakatukutukuʻi, ʻoku pehē ʻaia ʻoku meimei hekea hono vaʻe ʻi he mahalo ʻo ia ʻoku fiemālie.
6 ʻOku monūʻia ʻae ngaahi fale ʻoe kau kaihaʻa, pea ʻoku nofo fiemālie pē ʻakinautolu ʻoku fakahouhau ki he ʻOtua; ʻoku ʻatu lahi ʻe he ʻOtua ki honau nima.
7 “Kae fehuʻi eni ki he fanga manu, pea te nau akoʻi koe; mo e fanga manu ʻoe ʻatā, pea te nau tala kiate koe:
8 Pea lea ki he fonua, pea te ne akoʻi koe: pea ʻe fakahā kiate koe ʻe he ngaahi ika ʻoe tahi.
9 Ko hai ʻoku ʻikai te ne ʻilo ʻi he meʻa ni kotoa pē, ko e nima ʻo Sihova kuo ne fai eni?
10 ʻAia ʻoku ʻi hono nima ʻae moʻui ʻae meʻa moʻui fulipē, mo e mānava ʻoe kakai kotoa pē.
11 ʻIkai ʻoku ʻahiʻahiʻi ʻe he telinga ʻae ngaahi lea? Pea kamata ʻe he ngutu hono kai?
12 Pea ʻoku ʻiate ia ʻoku talu mei muʻa ʻae poto; pea ko e ʻilo ʻi he ngaahi ʻaho lahi.
13 “ʻOku ʻiate ia ʻae poto mo e mālohi, ʻoku ʻiate ia ʻae fakakaukau mo e ʻilo.
14 Vakai, ʻoku ne holoki hifo, pea ʻe ʻikai faʻa toe fokotuʻu ia: ʻoku ne tāpuni ki he tangata, pea ʻoku ʻikai ke faʻa matoʻo.
15 Vakai, ʻoku ne taʻofi ki he ngaahi vai, pea matuʻu ia: ʻoku ne fekau atu foki ia, pea ʻoku fulihi ʻe ia ʻae fonua.
16 ʻOku ʻiate ia ʻae mālohi mo e poto, ʻoku ʻoʻona ʻae kākāʻia mo ia ʻoku kākā.
17 ʻOku ne taki pōpula ʻae kau fakakaukau, pea ne fakavaleʻi ʻae kau fakamaau.
18 Ko e haʻi ʻoe ngaahi tuʻi kuo ne vete, ka ne haʻihaʻi honau noʻotanga vala ʻaki ʻae haʻi.
19 ʻOku ne taki pōpula ʻae ngaahi houʻeiki, pea ʻoku ne lī ki lalo ʻae mālohi.
20 ʻOku ne toʻo atu ʻae lea ʻae kau poto, pea toʻo mo e ʻilo ʻae mātuʻa.
21 ʻOku ne lilingi ʻae manukia ki he ngaahi houʻeiki, pea ne vete ʻae noʻo ʻoe mālohi.
22 ʻOku ne fakahā ʻae ngaahi meʻa lilo mei he fakapoʻuli, pea ne ʻomi ki he maama ʻae ʻata ʻoe mate.
23 ʻOku ne fakatokolahi ʻakinautolu ʻoku ne fakalahi ʻae ngaahi puleʻanga, pea toe fakasiʻisiʻi ia.
24 ʻOku ne toʻo ʻo ʻave ʻae loto ʻoe ngaahi ʻeiki ʻoe kakai ʻo māmani, ʻo ne pule ke nau ʻalu fano ʻi ha toafa taʻehahala.
25 ʻOku nau tautaufā ʻi he poʻuli taʻehamaama, pea ʻoku ne pule ke nau fehēaki fano ʻo hangē ha konā.
Cross-references
166
- 2Isa 5:21, Job 8:8–10, Job 11:6, Job 20:3, 1Co 4:10, Job 6:24–25, Job 17:10, 1Co 6:5
- 3Job 13:2–5, 2Co 11:21–23, Pro 26:4, Job 6:6–7, Job 26:2–3, 2Co 11:5
- 4Job 30:1, Job 21:3, Job 17:6, Psa 91:15, Jer 33:3, Job 17:2, Psa 22:7–8, Job 16:10
- 5Mat 25:8, Psa 17:5, Pro 13:9, Psa 94:18, Deu 32:35, Luk 16:19–20, Job 18:5, Luk 12:19
- 6Job 9:24, Psa 73:11–12, Psa 17:14, Psa 37:1, Psa 37:35, Job 21:7–15, Jer 5:27, Job 22:18
- 7Isa 1:3, Jer 8:7, Pro 6:6, Job 21:29–30
- 9Isa 41:20, Jer 27:5–6, Rom 11:36, Act 19:35, Dan 9:17, 1Sa 2:7, Deu 8:17–18, Dan 5:18
- 10Act 17:28, Job 33:4, Act 17:25, Job 27:3, Num 16:22, Dan 5:23, Psa 146:3–4, Job 34:14–15
- 11Job 34:3, Heb 5:14, 1Pe 2:3, Php 1:10, Job 6:30, 1Co 10:15
- 12Job 32:7, Job 15:10, Job 8:8
- 13Job 36:5, Job 9:4, Pro 2:6–7, Jas 1:5, Job 28:20–28, Pro 8:14, Psa 147:5, Eph 1:11
- 14Isa 22:22, Rev 3:7, Job 11:10, Mal 1:4, Job 9:12–13, 1Sa 26:8, Jer 51:58, 1Sa 17:46
- 151Ki 17:1, Amo 5:8, Gen 6:13, Luk 4:25, Gen 7:11–8:2, Rev 11:6, Jer 14:22, 1Ki 8:35–36
- 16Job 13:9, 1Ki 22:22–23, Job 12:13, Ezk 14:9, Mat 6:13, Job 13:7
- 17Isa 29:14, 1Co 1:19–20, 2Sa 17:23, 2Sa 15:31, Isa 19:12–14, Job 3:14, Job 9:24, 2Sa 17:14
- 18Dan 2:21, Psa 116:16, 2Ch 33:11–14, Jer 52:31–34, Rev 19:16
- 19Isa 45:1, Isa 37:36–38, 1Sa 17:45–46, Jos 10:42, Job 34:28, Jos 10:24, Job 24:22, Rev 19:19–21
- 20Job 32:9, Job 17:4, Job 12:24, Pro 12:19, Pro 10:21, Isa 3:1–3, Job 39:17, Pro 12:22
- 21Psa 107:40, Dan 2:21–22, Isa 24:21–22, Isa 23:9, 2Ki 9:34–37, Eph 6:10, Dan 4:32–33, Exo 8:2
- 22Dan 2:22, 1Co 4:5, 1Co 2:10, Job 3:5, Luk 1:79, Mat 10:26, Amo 5:8, Job 28:20–23
- 23Isa 9:3, Isa 26:15, Isa 60:22, Psa 107:38, Jer 33:22, Isa 27:6, Jer 30:19, Exo 1:20
- 24Psa 107:40, Job 12:20, Hos 7:11, Dan 4:33, Isa 6:9–10, Psa 107:4, Dan 4:16, Job 17:4
- 25Job 5:14, Psa 107:27, Isa 24:20, Isa 19:14, 1Jn 2:11, Gen 19:11, Deu 28:29, Isa 59:10