Siope 1
1 Naʻe ai ʻae tangata ʻi he fonua ko Usa, naʻe hingoa ko Siope; pea naʻe haohaoa mo angatonu ʻae tangata ko ia, pea ne manavahē ia ki he ʻOtua, pea afe mei he kovi.
2 Pea naʻe fanauʻi kiate ia ʻae foha ʻe toko fitu mo e ʻofefine ʻe toko tolu.
3 Ko ʻene koloa ko e sipi ʻe fitu afe, mo e kāmeli ʻe tolu afe, mo e taulua fanga pulu ʻe nimangeau, mo e ʻasi fefine ʻe nimangeau, mo e fuʻu ʻapi tokolahi ʻaupito; pea naʻe lahi taha ai ʻae tangata ni ʻi he kakai kotoa pē ʻoe potu hahake.
4 Pea naʻe faʻa fai ʻe hono ngaahi foha ʻae kātoanga kai ʻi honau ngaahi fale, ʻo taki taha ʻi hono ʻaho; pea naʻe tala ki honau tuofefine ʻe toko tolu ke kai mo inu mo kinautolu.
5 Pea kuo ʻosi ʻae ngaahi ʻaho ʻo ʻenau fai kātoanga, naʻe fekau ʻe Siope ke fakatapui ʻakinautolu, pea ne tuʻu hengihengi hake, ʻo ʻatu ʻae ngaahi feilaulau tutu ʻo fakatatau ki honau tokolahi kotoa pē: he naʻe pehē ʻe Siope, naʻa kuo angahala ʻa hoku ngaahi foha, ʻo lea kovi ki he ʻOtua ʻi honau loto. Naʻe fai pehē pe ʻa Siope ʻi he ʻaho kotoa pē.
6 Ka naʻe ai ʻae ʻaho naʻe fakataha ai ʻae ngaahi foha ʻoe ʻOtua ke fakahā ʻakinautolu ʻi he ʻao ʻo Sihova, pea naʻe haʻu ai foki ʻa Sētane mo kinautolu.
7 Pea naʻe pehē ʻe Sihova kia Sētane, “Ko hoʻo haʻu mei fē?” Pea tali ʻe Sētane kia Sihova, ʻo pehē, “Mei heʻeku fakatakamilo ʻa māmani mo ʻeku feʻaluʻaki fano ʻi ai.”
8 Pea naʻe pehē ʻe Sihova kia Sētane, “Kuo ke tokangaʻi ʻa ʻeku tamaioʻeiki ko Siope, he ʻoku ʻikai hano tatau ʻi māmani, ko e tangata haohaoa mo angatonu, ʻoku manavahē ia ki he ʻOtua, pea afe mei he kovi?”
9 Pea naʻe tali ai ʻe Sētane kia Sihova, ʻo pehē, “He kuo manavahē ʻa Siope ki he ʻOtua taʻehatotongi?
10 ʻIkai kuo ke takatakai ʻaki ia ʻae ʻā, mo hono fale, mo ʻene meʻa kotoa pē mei he potu kotoa pē? Pea kuo ke fakamonūʻiaʻi ʻae ngāue ʻa hono nima, pea ʻoku tupulekina ʻene koloa ʻi he fonua.
11 Kae mafao atu eni ho nima, ʻo taaʻi ʻaia kotoa pē ʻoku ʻaʻana, pea te ne lauʻikoviʻi koe ʻi ho fofonga.”
12 Pea naʻe pehē ʻe Sihova kia Sētane, “Vakai, ʻoku ʻi ho nima ʻae meʻa kotoa pē ʻoku ʻaʻana; kaeʻoua naʻa ke hilifaki ho nima kiate ia.” Pea naʻe ʻalu atu ʻa Sētane mei he ʻao ʻo Sihova.
13 Pea naʻe ai ʻae ʻaho naʻe kai mo inu uaine ʻe hono ngaahi foha mo hono ngaahi ʻofefine ʻi he fale ʻo honau taʻokete lahi:
14 Pea naʻe haʻu ai ʻae talafekau kia Siope, ʻo ne pehē, “Naʻe fai ʻae keli ʻe he fanga pulu, pea kai ʻae fanga ʻasi ʻi he potu ofi ki ai:
15 Pea naʻe ʻoho mai ʻae kakai Sipa ʻo ʻave ʻakinautolu; pea kuo nau tāmateʻi ʻae kau tamaioʻeiki ʻaki ʻae mata ʻoe heletā; pea ko au pe kuo hao ke tala ia kiate koe.”
16 Pea lolotonga ʻene lea mo ʻene haʻu foki ʻae tokotaha, ʻo ne pehē, “Kuo tō mai mei he langi ʻae afi ʻae ʻOtua, pea kuo vela ai ʻae fanga sipi, mo e kau tamaioʻeiki, ʻo fakaʻauha ʻakinautolu; pea ko au pe kuo hao ke tala ia kiate koe.”
17 Pea lolotonga ʻene lea mo ʻene haʻu foki ʻae tokotaha, ʻo ne pehē, “Naʻe vahe tolu ʻae kongakau Kalitia, ʻonau ʻoho mai ki he fanga kāmeli, pea ʻave ia, pea kuo nau tāmateʻi ʻae kau tamaioʻeiki ʻaki ʻae mata ʻoe heletā; pea ko au pe kuo hao ke tala ia kiate koe.”
18 Pea lolotonga ʻene lea mo ʻene haʻu foki ʻae tokotaha, ʻo ne pehē, “Naʻe kai mo inu uaine ʻa ho ngaahi foha mo ho ngaahi ʻofefine ʻi he fale ʻo honau taʻokete lahi:
19 Pea ʻiloange, kuo hā mai ʻae fuʻu matangi lahi mei he toafa, ʻo taaʻi hono tuliki ʻe fā ʻoe fale, pea naʻe holo ia ki he kau talavou, pea kuo nau mate; pea ko au pe kuo hao ke tala ia kiate koe.”
20 Pea naʻe toki tuʻu hake ʻa Siope, ʻo ne haehae hono pulupulu, ʻo fakatekefua ia, pea fakafoʻohifo ki he kelekele, ʻo hū.
21 ʻO ne pehē, “Naʻaku haʻu telefua pe mei he manāva ʻo ʻeku faʻē, pea te u toe ʻalu telefua atu pe: naʻe foaki ʻe Sihova, pea kuo toʻo atu ʻe Sihova; fakafetaʻi pe ki he huafa ʻo Sihova.”
22 ʻI he ngaahi meʻa ni kotoa pē naʻe ʻikai angahala ʻa Siope, pe tuku ha kovi ki he ʻOtua.
Cross-references
158
- 1Jas 5:11, Ezk 14:14, Ezk 14:20, Job 28:28, Job 2:3, Gen 6:9, Job 1:8, Job 23:11–12
- 2Job 42:13, Psa 127:3–5, Job 13:13, Est 5:11, Psa 107:38, Psa 128:3
- 3Job 29:25, Job 42:12, Jdg 6:3, Pro 10:22, Num 23:7, 1Ki 4:30, Gen 12:16, Gen 12:5
- 4Heb 13:1, Psa 133:1
- 5Job 42:8, Gen 8:20, 1Sa 16:5, Job 8:4, Gen 35:2–3, Eph 6:18, 1Ki 21:13, 1Ki 21:10
- 6Job 2:1, Job 38:7, Zec 3:1, Rev 12:9–10, 1Ki 22:19, Gen 6:4, 1Ch 21:1, Mat 18:10
- 71Pe 5:8, Mat 12:43, Job 2:2, Rev 12:12–17, Rev 12:9, Rev 20:8, 2Ki 5:25, Zec 6:7
- 8Job 2:3, Job 1:1, Num 12:7–8, 2Ki 23:25, Pro 8:13, Job 8:20, Isa 1:16, Psa 84:11
- 91Ti 4:8, Mat 16:26, 1Ti 6:6, Job 1:21, Job 21:14–15, Job 2:10, Mal 1:10
- 10Psa 34:7, Zec 2:5, 1Pe 1:5, Deu 28:2–6, Pro 10:22, Zec 2:8, Job 31:25, Psa 107:38
- 11Job 2:5, Job 19:21, Rev 16:11, Mal 3:13–14, Rev 16:21, Rev 16:9, Job 2:9, Job 4:5
- 12Luk 22:31–32, Jhn 3:35–36, 2Co 12:7, 1Co 10:13, Jhn 19:11, Isa 27:8, Job 2:4–7, Luk 8:32–33
- 13Luk 21:34, Pro 27:1, Luk 12:19–20, Job 1:4, Luk 17:27–29, Ecc 9:12
- 141Sa 4:17, Jer 51:31, 2Sa 15:13
- 15Gen 10:7, Job 6:19, Job 1:16–17, Job 1:19, Psa 72:10, Gen 25:3, Jol 3:8, Gen 10:28
- 162Ki 1:12, Gen 19:24, 1Ki 18:38, Lev 10:2, Amo 7:4, Num 11:1–3, Lev 9:24, 2Ki 1:10
- 17Gen 11:28, Hab 1:6, Isa 23:13, Gen 11:31, 2Sa 1:3, Job 1:15
- 18Job 1:4, Job 1:13, Job 23:2, Job 19:9–10, Psa 34:19, Job 6:2–3, Jer 51:31, Amo 4:6–11
- 19Jer 4:11–12, Eph 2:2, Luk 13:1–5, 1Ki 20:30, Gen 42:36, Act 28:4, Gen 37:32–33, 2Sa 18:33
- 201Pe 5:6, 2Sa 12:16–20, Gen 37:29, Gen 37:34, Ezr 9:3, Deu 9:18, Mat 26:39, 2Ch 7:3
- 21Ecc 5:15, 1Ti 6:7, 1Th 5:18, Jas 1:17, Job 2:10, Psa 49:17, Ecc 12:7, Eph 5:20
- 22Jas 1:12, Job 2:10, 1Pe 1:7, Rom 9:20, Jas 1:4, Job 40:4–8, Job 34:18–19, Job 34:10
Topics in this chapter
40
Accusation, False, Afflictions and Adversities, Amusements and Worldly Pleasures, Armies, Bereavement, Blessing, Camel, Children, Death, Dissipation, Dress, Faith, Faithfulness, Falsehood, Family, Fear, God, Hedge, Intercession, Job, Mantle, Meteorology and Celestial Phenomena, Motive, Mourning, Obedience, Parents, Patience, Perfection, Persecution, Plow, Prayer, Rending, Resignation, Rich, the, Sabeans, Satan, Sin, Temptation, Uz, Worship