Shimei

Isang Benjamita ng sangbahayan ni Saul, na bumato at sumumpa kay David nang dumating siya sa Bahurim sa kaniyang pagtakas mula sa Jerusalem nang panahon ng paghihimagsik ni Absalom (2 Sam. 16:5-13). Pagkatapos ng pagkatalo ni Absalom ay “siya'y lumapit na nangangayupapa sa hari, na buong pagpapakumbabang humihingi ng patawad, na dala ang isang libo sa kaniyang mga kalipi na Benjamita, at sinasabing siya'y taimtim na nagsisisi sa kaniyang kasalanan, at siya ang nagmadaling una sa buong sangbahayan ng Israel upang magbigay-galang sa hari” (19:16-23). Pinatawad siya ni David; nguni't sa kaniyang hihigan ng kamatayan ay nagbigay siya kay Salomon ng tanging bilin tungkol kay Semei, na sa katapatan niyao'y waring nag-aalinlangan siya (1 Hari 2:8, 9). Siya'y pinatay sa utos ni Salomon, sapagka't sinira niya ang kaniyang pangako sa pag-alis sa Jerusalem at pagtungo sa Gath upang bawiin ang dalawa sa kaniyang mga alipin na tumanan (36-46).