Jotham

Ang anak at kahalili ni Uzzia sa trono ng Juda. Sapagka't sa kaniyang mga huling taon ay inihiwalay si Uzzia sa buhay-bayan dahil sa kaniyang ketong, ang kaniyang anak, na noo'y dalawampu't limang taong gulang, ang namahala sa loob ng pitong taon sa mga gawain ng kaharian bilang kahalili ng kaniyang ama (2 Cron. 26:21, 23; 27:1). Pagkamatay ng kaniyang ama ay siya na lamang ang naging hari, at naghari siya sa loob ng labing-anim na taon (B.C. 759-743). Namahala siya nang may takot sa Dios, at ang kaniyang paghahari ay masagana. Kapanahon niya ang mga propetang si Isaias, si Oseas, at si Mikas, na sa kanilang pangangaral ay nakinabang siya. Inilibing siya sa libingan ng mga hari, at labis siyang tinangisan ng bayan (2 Hari 15:38; 2 Cron. 27:7-9).