Hilkiah

Ang dakilang saserdote nang paghahari ni Josias (1 Cron. 6:13; Ezra 7:1). Sa kaniya at sa kaniyang kinatawan (2 Hari 23:5), kasama ng mga karaniwang saserdote at ng mga Levita na may katungkulan sa mga pintuang-daan, ipinagkatiwala ang paglilinis ng templo sa Jerusalem. Samantalang isinasagawa ito, natuklasan niya sa isang tagong sulok ng gusali ang isang aklat na tinatawag na “aklat ng kautusan” (2 Hari 22:8) at “aklat ng tipan” (23:2). Inakala ng ilan na ang “aklat” na ito ay walang iba kundi ang orihinal na sulat-kamay na sipi ng Pentateuco na isinulat ni Moises (Deut. 31:9-26). Ang kahanga-hangang pagkatuklas na ito ay nangyari nang ikalabingwalong taon ng paghahari ni Josias (B.C. 624), isang pagkatuklas na palagiang nakaapekto sa buong sumunod na kasaysayan ng Israel.