Isaias 56
1 Ganito ang sabi ng Panginoon, Kayo'y mangagingat ng kahatulan, at magsigawa ng katuwiran; sapagka't ang aking pagliligtas ay malapit nang darating, at ang aking katuwiran ay mahahayag.
2 Mapalad ang taong gumagawa nito, at ang anak ng tao na nanghahawak dito; na nangingilin ng sabbath upang huwag lapastanganin, at nagiingat ng kaniyang kamay sa paggawa ng anomang kasamaan.
3 At huwag ding magsalita ang taga ibang lupa, na nalakip sa Panginoon, na magsasabi, Tunay na ihihiwalay ako ng Panginoon sa kaniyang bayan; at huwag ding magsabi ang bating, Narito, ako'y punong kahoy na tuyo.
4 Sapagka't ganito ang sabi ng Panginoon tungkol sa mga bating na nangingilin ng aking mga sabbath, at pumipili ng mga bagay na nakalulugod sa akin, at nagiingat ng aking tipan:
5 Sila'y bibigyan ko sa aking bahay at sa loob ng aking mga kuta, ng alaala at pangalan na maigi kay sa mga anak na lalake at babae; aking bibigyan sila ng walang hanggang pangalan, na hindi mapaparam.
6 Gayon din ang mga taga ibang lupa, na nakikilakip sa Panginoon, upang magsipangasiwa sa kaniya, at magsiibig sa pangalan ng Panginoon, upang magsipangasiwa sa kaniya, at magsiibig sa pangalan ng Panginoon, upang maging kaniyang mga lingkod, bawa't nangingilin ng sabbath upang huwag lapastangin, at nagiingat ng aking tipan;
7 Sila ay dadalhin ko sa aking banal na bundok, at papagkakatuwain ko sila sa aking bahay na dalanginan: ang kanilang mga handog na susunugin at ang kanilang mga hain ay tatanggapin sa aking dambana; sapagka't ang aking bahay ay tatawaging bahay na panalanginan para sa lahat ng mga bayan.
8 Ang Panginoong Dios na pumipisan ng mga itinapon sa Israel ay nagsasabi, Magpipisan pa ako ng mga iba sa kaniya, bukod sa kaniyang sarili na nangapisan.
9 Kayong lahat na mga hayop sa parang, kayo'y magsiparitong lumamon, oo, kayong lahat na mga hayop sa gubat.
10 Ang kaniyang mga bantay ay mga bulag, silang lahat ay walang kaalaman; silang lahat ay mga piping aso, sila'y hindi makatahol; mapanaginipin, mapaghiga, maibigin sa pagidlip.
11 Oo, ang mga aso ay matatakaw, sila'y kailan man ay walang kabusugan; at ang mga ito ay mga pastor na hindi nangakakaunawa: sila'y nagsilikong lahat sa kanilang sariling daan na mula sa lahat ng dako, bawa't isa'y sa kaniyang pakinabang.
12 Kayo'y magsiparito, sabi nila, ako'y magdadala ng alak, at magpatid-uhaw tayo sa matapang na inumin; at bukas ay magiging gaya ng araw na ito, dakilang araw, na walang kapantay.
Cross-references
94
- 1Rom 13:11–14, Psa 85:9, Mat 3:2, Isa 1:16–19, Rom 1:17, Psa 24:4–6, Rom 10:6–10, Isa 55:7
- 2Exo 31:13–16, Isa 58:13, Psa 112:1, Ezk 20:12, Exo 20:10, Luk 11:28, Jer 17:21–22, Ezk 20:20
- 31Co 6:17, Act 10:34, Mat 19:12–30, Eph 2:22, Act 10:1–2, Mat 8:10–11, Zec 8:20–23, Dan 1:3–21
- 4Psa 119:111, Isa 27:5, Jos 24:15, Luk 10:42, Isa 56:6, 2Sa 23:5, Heb 6:17, Jer 50:5
- 5Rev 3:12, Rev 3:5, 1Jn 3:1, Isa 55:13, Jhn 1:12, 1Ti 3:15, Isa 48:19, Isa 60:18
- 6Jer 50:5, Isa 56:2–4, Isa 58:13, Isa 44:5, Jas 2:5, Gal 5:6, Mrk 12:30–34, Rev 1:10
- 7Mrk 11:17, Isa 2:2–3, Mal 1:11, Luk 19:46, Mat 21:13, Mic 4:1–2, Rom 12:1, Eph 2:11–13
- 8Jhn 10:16, Isa 54:7, Isa 60:3–11, Zec 10:8–10, Gen 49:10, Eph 2:14–16, Jer 31:10, Eph 1:10
- 9Jer 12:9, Deu 28:26, Isa 18:6, Ezk 39:17, Rev 19:17–18, Ezk 29:5
- 10Ezk 33:6, Isa 29:10, Php 3:2, Isa 58:1, Mat 15:14, Nam 3:18, Mrk 13:34–37, Hos 9:7–8
- 11Ezk 34:2–3, Ezk 13:19, Jhn 8:43, Mic 3:11, Zec 11:15–17, Mic 3:5–6, Rev 22:15, Isa 1:3
- 12Psa 10:6, Pro 27:1, Luk 12:19–20, Isa 5:22, Pro 23:35, 1Co 15:32, Hos 4:11, Tit 1:7
Topics in this chapter
29
Blindness, Church, Confidence, Covetousness, Dog (Sodomite?), Drunkenness, Eunuch, Gentiles, God, Happiness, Idleness, Integrity, Isaiah, Jesus, the Christ, Joy, Justice, Justification, Love, Minister, Christian, Quotations and Allusions, Righteous, Sabbath, Salvation, Self-Delusion, Sensuality, Slothfulness, Temple, Wine, Worship