Mga Hebreo 1
1 Ang Dios, na nagsalita nang unang panahon sa ating mga magulang sa iba't ibang panahon at sa iba't ibang paraan sa pamamagitan ng mga propeta,
2 Ay nagsalita sa atin sa mga huling araw na ito sa pamamagitan, ng kaniyang Anak, na siyang itinalaga na tagapagmana ng lahat ng mga bagay, na sa pamamagitan naman niya'y ginawa ang sanglibutan;
3 Palibhasa'y siyang sinag ng kaniyang kaluwalhatian, at tunay na larawan ng kaniyang pagka-Dios, at umaalalay ng lahat ng mga bagay sa pamamagitan ng salita ng kaniyang kapangyarihan, nang kaniyang magawa na ang paglilinis ng mga kasalanan, ay lumuklok sa kanan ng Karangalan sa kaitaasan;
4 Na naging lalong mabuti kay sa mga anghel, palibhasa'y nagmana ng lalong marilag na pangalan kay sa kanila.
5 Sapagka't kanino nga sa mga anghel sinabi niya kailan man, Ikaw ay aking Anak, Ikaw ay aking ipinanganak ngayon? at muli, Ako'y magiging kaniyang Ama, At siya'y magiging aking Anak?
6 At muli nang dinadala niya ang panganay sa sangkalupaan ay sinasabi, At sambahin siya ng lahat ng mga anghel ng Dios.
7 At sinasabi niya tungkol sa mga anghel, Yaong ginagawang mga anghel niya ang mga hangin, At ang kaniyang mga ministro ay ningas ng apoy:
8 Nguni't tungkol sa Anak ay sinasabi, Ang iyong luklukan, Oh Dios, ay magpakailan man; At ang setro ng katuwiran ay siyang setro ng iyong kaharian.
9 Inibig mo ang katuwiran, at kinapootan mo ang kasamaan; Kaya't ang Dios, ang Dios mo, ay nagbuhos sa inyo, Ng langis ng kasayahang higit sa iyong mga kasamahan.
10 At, Ikaw, Panginoon, nang pasimula'y inilagay mo ang kinasasaligan ng lupa, At ang mga langit ay mga gawa ng iyong mga kamay:
11 Sila'y mangapapahamak; datapuwa't ikaw ay nananatili: At silang lahat ay mangalulumang gaya ng isang kasuutan;
12 At gaya ng isang balabal sila'y iyong bibilutin, At sila'y mapapalitang gaya ng kasuutan: Nguni't ikaw ay ikaw rin, At ang iyong mga taon ay di matatapos.
13 Nguni't kanino sa mga anghel sinabi niya kailan man, Lumuklok ka sa aking kanan, Hanggang sa ang iyong mga kaaway ay gawin kong tungtungan ng iyong mga paa?
14 Hindi baga silang lahat ay mga espiritung tagapaglingkod, na mga sinugo upang magsipaglingkod sa kapakinabangan ng mangagmamana ng kaligtasan?
Cross-references
109
- 12Pe 1:20–21, Jol 2:28, Num 12:6–8, Luk 24:27, 1Pe 1:10–12, Gen 46:2–4, Luk 1:55, Act 2:30
- 2Jhn 1:3, 1Co 8:6, Col 1:16–18, Jhn 1:14, 1Pe 1:20, Mat 28:18, Jhn 13:3, Php 2:9–11
- 3Col 1:15–17, Rev 4:11, Jhn 14:9–10, Jhn 1:14, 2Co 4:4, Heb 12:2, Jhn 1:4, Heb 10:12
- 4Eph 1:21, Php 2:9–11, 1Pe 3:22, Heb 2:9, Rev 5:11–12, 2Th 1:7, Psa 2:7–8, Col 1:18
- 5Psa 2:7, Act 13:33, Heb 5:5, 2Sa 7:14, 1Ch 17:13, 1Ch 22:10, Psa 89:26–27, 1Ch 28:6
- 6Psa 97:7, 1Pe 3:22, Deu 32:43, Col 1:18, Col 1:15, Jhn 1:14, Rev 5:9–12, Rev 1:5
- 7Psa 104:4, Heb 1:14, 2Ki 6:17, 2Ki 2:11, Zec 6:5, Ezk 1:13–14, Dan 7:10
- 8Psa 45:6–7, Isa 9:6–7, Jer 23:5–6, Rom 9:5, 1Jn 5:20, Jhn 10:30, Isa 7:14, Mat 1:23
- 9Psa 45:7, Psa 23:5, Isa 61:3, Gal 5:22, Rom 15:13, Isa 61:1, Luk 4:18, Amo 5:15
- 10Psa 102:25–27, Gen 1:1, Jhn 1:1–3, Jer 32:17, Isa 48:13, Psa 8:3–4, Isa 42:5, Zec 12:1
- 11Isa 51:6, Mrk 13:31, Luk 21:33, Mat 24:35, Isa 34:4, Rev 21:1, Psa 10:16, Psa 90:2
- 12Psa 102:26–27, Heb 13:8, Jas 1:17, Jhn 8:58, Psa 90:4, Exo 3:14
- 13Psa 110:1, Mrk 12:36, Heb 10:12–13, Mat 22:44, 1Co 15:25–26, Act 2:34–36, Heb 1:3, Act 7:55
- 14Psa 34:7, Psa 103:20–21, Psa 91:11–12, Mat 18:10, Dan 6:22, Act 27:23, Act 5:19, Act 10:3–4