Jehoram

Mwana mkubwa na mrithi wa Yehoshafati, mfalme wa Yuda. Alitawala miaka minane (K.K. 892-885) peke yake akiwa mfalme wa Yuda, akiwa amekwisha kushirikishwa kwa miaka kadhaa pamoja na babaye (2 Nya. 21:5, 20; 2 Fal. 8:16). Mkewe alikuwa Athalia, binti ya Ahabu na Yezebeli. Bintiye Yehosheba aliolewa na kuhani mkuu Yehoyada. Alizama katika ibada ya sanamu ya wazi, akajiletea yeye mwenyewe na ufalme wake hasira ya Yehova. Waedomi waliasi chini ya nira yake, na Wafilisti na Waarabu na Wakushi wakaivamia nchi, wakachukua nyara nyingi, pamoja na wake za Yehoramu na watoto wake wote, isipokuwa Ahazia. Alikufa kifo chenye maumivu kutokana na ugonjwa wa kutisha, naye akanyimwa mahali katika kaburi la wafalme (2 Fal. 8:16-24; 2 Nya. 21).