Jehoahaz

Mwana wa mfalme Yosia (1 Nya. 3:15; Yer. 22:11), aliyechaguliwa kumrithi baba yake katika kiti cha enzi, ingawa alikuwa mdogo kwa miaka miwili kuliko ndugu yake Eliakimu. Alikitwaa kiti cha enzi kwa jina la Yehoahazi (tazama). Hakuufuata mfano wa baba yake (2 Fal. 23:32), bali alikuwa “mwana-simba, akajifunza kukamata mawindo; akala watu” (Eze. 19:3). Kwa hiyo siasa yake ilikuwa ya kupinga Misri. Neko, aliyekuwa wakati ule huko Ribla, akapeleka jeshi juu ya Yerusalemu, nao mara wakajitoa, na Yehoahazi akachukuliwa mateka mpaka kambi ya Wamisri, na Eliakimu akawekwa awe mfalme mahali pake. Alibaki mateka Misri hata kufa kwake, naye alikuwa mfalme wa kwanza wa Yuda kufa uhamishoni.