Ahaziah

Mwana na mrithi wa Ahabu. Alifuata mashauri ya mama yake Yezebeli, na kuiga uovu wa njia za baba yake. Katika utawala wake Wamoabi waliasi kutoka chini ya mamlaka yake (2 Fal. 3:5-7). Aliungana na Yehoshafati katika jaribio la kuihuisha biashara ya baharini kwa njia ya Bahari ya Shamu, jambo lililoshindwa (2 Nya. 20:35-37). Wajumbe wake, waliotumwa kumwuliza mungu wa Ekroni juu ya kupona kwake baada ya kuanguka kutoka ukumbi wa juu wa jumba lake, walikutana njiani na Eliya, aliyewarudisha wamwambie mfalme kwamba hatashuka kamwe katika kitanda chake (1 Fal. 22:51; 2 Fal. 1:18).