Teutalonome 20
1 “ʻOka ke ka ʻalu ke tauʻi ho ngaahi fili, mo ke mamata ki he fanga hoosi, mo e ngaahi saliote, mo e kakai ʻoku tokolahi hake ʻiate koe, ʻoua naʻa ke manavahē kiate kinautolu: he ʻoku ʻiate koe ʻa Sihova ko ho ʻOtua, ʻaia naʻa ne ʻomi koe mei he fonua ko ʻIsipite.
2 Pea ʻe hoko ʻo pehē, ʻi hoʻomou hoko ʻo ofi ki he tau, ʻe ʻunuʻunu mai ʻae taulaʻeiki ʻo lea ki he kakai,
3 Pea ʻe pehē ʻe ia kiate kinautolu, ‘Fanongo, ʻE ʻIsileli, ʻoku mou hoko ʻo ofi he ʻaho ni ke tau mo homou ngaahi fili: ʻoua naʻa mou loto foʻi, pea ʻoua naʻa mou manavahē, pe tetetete, pe lilika kiate kinautolu;
4 He ko Sihova ko homou ʻOtua ia ʻaia ʻoku ʻalu mo kimoutolu, ke tauʻi homou ngaahi fili maʻamoutolu, ke fakamoʻui ʻakimoutolu.’
5 “Pea ʻe lea ʻae kau matāpule ki he kakai, ʻo pehē, ‘Ko hai ha tangata kuo ne langa ha fale foʻou, pea ʻoku teʻeki ai hūfia ia; ke ʻalu ia ʻo foki ki hono fale, telia naʻa mate ia ʻi he tau, pea huufi ia ʻe ha tangata kehe.
6 Pea ko hai ha tangata kuo ne tō ʻae ngoue vaine, pea ʻoku teʻeki ai te ne kai mei ai? Ke ʻalu ia ʻo foki ki hono fale, telia naʻa mate ia ʻi he tau, pea kai mei ai ʻe ha tangata kehe.
7 Pea ko hai ha tangata kuo poloʻi ha fefine kiate ia, pea ʻoku teʻeki ai te ne maʻu ia? Ke ʻalu ia pea foki ki hono fale, telia naʻa mate ia ʻi he tau, pea maʻu ia ʻe ha tangata kehe.’
8 Pea ʻe toe lea ʻae kau matāpule ki he kakai, pea tenau pehē, ‘Ko hai ha tangata ʻoku manavahē mo loto foʻi? Ke ʻalu ia ʻo foki ki hono fale, telia naʻa vaivai foki ʻae loto ʻo hono ngaahi kāinga ʻo hangē ko hono loto.’
9 Pea ʻe pehē, ʻoka hili ʻae lea ʻae kau matāpule ki he kakai tenau toki fakanofo ʻae kau ʻeikitau ki he kau tau kenau taki ʻae tau.
10 “ʻOka ke ka hoko ʻo ofi ki ha kolo ke tauʻi ia, te ke fakahā ʻae melino ki ai.
11 Pea ʻe pehē, kapau ʻoku tali fakamelino ia, pea ʻoku toʻo ia kiate koe, pea ʻe toki pehē, ko e kakai kotoa pē ʻoku ʻi ai ʻe hopoate kotoa pē kiate koe, pea tenau tauhi koe.
12 Pea kapau ʻe ʻikai fai ia ha fakalelei mo koe, ka ʻoku loto ke tauʻi koe, te ke toki tauʻi ia:
13 Pea hili hono tuku ia ʻe Sihova ko ho ʻOtua ki ho nima, te ke taaʻi ʻae tangata kotoa pē ʻoku ʻi ai ʻaki ʻae mata ʻoe heletā:
14 Ka ko e kau fefine, mo e fānau siʻi, mo e fanga manu, mo e meʻa kotoa pē ʻoku ʻi he kolo, ʻio, ko e meʻa vete kotoa pē ʻo ia, ke ke toʻo kiate koe; pea ke kai ʻae meʻa vete ʻa ho ngaahi fili, ʻaia kuo foaki ʻe Sihova ko ho ʻOtua kiate koe.
15 Ke ke fai pehē pe ki he ngaahi kolo ʻaia ʻoku mamaʻo ʻaupito meiate koe, ʻaia ʻoku ʻikai ʻi he ngaahi kolo ʻoe ngaahi puleʻanga ni.
16 Ka ko e ngaahi kolo ʻae kakai ni, ʻaia ʻoku foaki kiate koe ʻe Sihova ko ho ʻOtua ko ho tofiʻa, ʻoua naʻa ke fakamoʻui ha tokotaha ʻoku mānava:
17 Ka te ke fakaʻauha ʻaupito ʻakinautolu; ʻae kau Heti, mo e kau ʻAmoli, mo e kau Kēnani, mo e kau Pelesi, mo e kau Hevi, mo e kau Sepusi; ʻo hangē ko e fekau ʻa Sihova ko ho ʻOtua kiate koe:
18 Koeʻuhi ke ʻoua naʻa nau ako kiate kimoutolu ke fai ʻo hangē ko ʻenau ngaahi ngāue kovi ki honau ngaahi ʻotua: pea mou fai angahala ai kia Sihova ko homou ʻOtua.
19 “ʻOka ke ka kāpui ha kolo ʻo fuoloa, ʻi hoʻo tauʻi ia ke lavaʻi, ʻoua naʻa ke maumauʻi ʻae ngaahi ʻakau ʻo ia ʻi hoʻo ʻai mālohi ʻae toki ki ai: he koeʻuhi te ke kai mei ai, pea ʻoua naʻa ke tā hifo ia ke ngāueʻaki ʻi he tau, (he ko e ʻakau ʻoe ngoue ko e moʻui ia ʻae tangata:)
20 Ka ko e ngaahi ʻakau ʻoku ke ʻilo ʻoku ʻikai ko e ngaahi ʻakau fua ke kai, ke ke maumau mo ke tā hifo ia, pea te ke tanu puke ki he kolo ʻoku ne tauʻi koe kaeʻoua ke ke lavaʻi ia.
Ngaahi fetuʻutaki veesi
117
- 12Ch 32:7–8, Deu 31:8, Psa 20:7, Deu 31:6, Isa 43:2, Rom 8:31, Jos 1:5, Isa 31:1
- 2Num 10:8–9, 2Ch 13:12, Num 31:6, 1Sa 30:7–8, Jdg 20:27–28, 1Sa 14:18
- 3Psa 3:6, Heb 13:6, Rev 2:10, Psa 27:1–3, Isa 8:12–13, Jos 23:10, Eph 6:11–18, Mat 10:28
- 4Exo 14:14, Deu 3:22, Deu 1:30, Jos 23:10, Deu 11:25, Rom 8:37, Psa 144:1–2, Deu 32:30
- 5Neh 12:27, 1Sa 17:18, Deu 1:15, Deu 16:18, Num 31:48, Num 31:14
- 6Lev 19:23–25
- 7Deu 24:5, Deu 28:30, Deu 22:23–25, 2Ti 2:4, Mat 1:18, Luk 14:18–20
- 8Jdg 7:3, Deu 1:28, Rev 21:8, Act 15:37–38, Num 32:9, Luk 9:62, Deu 23:9, 1Co 15:33
- 10Luk 10:5–6, 2Co 5:18–6:1, Eph 2:17, 2Sa 20:18–22, Act 10:36, Isa 57:19, Zec 9:10
- 11Jos 9:22–23, Psa 120:7, Jdg 1:30–35, Luk 19:14, Lev 25:42–46, Jos 11:19–20, 1Ki 9:21–22, Jdg 1:28
- 13Psa 2:6–12, Psa 110:1, Num 31:7–9, 1Ki 11:15–16, 2Th 1:7–9, Psa 21:8–9, Luk 19:27, Num 31:17–18
- 14Jos 8:2, Jos 22:8, Num 31:9, Num 31:18, Jos 11:14, Num 31:35–54, Num 31:12, 2Ch 14:13–15
- 16Jos 11:14, Num 21:2–3, Jos 6:17–21, Num 33:52, Deu 7:1–4, Jos 10:28, Jos 11:11–12, Num 21:35
- 17Jer 48:10, Deu 7:1–2, Jer 50:35–40, Ezk 38:21–23, Isa 34:5–6, Rev 19:18
- 18Deu 12:30–31, Exo 23:33, Eph 5:11, 2Co 6:17, Exo 34:16, Deu 7:4–5, 1Co 15:33, Psa 106:34–40
- 19Mat 3:10, Mat 21:19, Mat 7:15–20, Jhn 15:2–8, Luk 13:7–9, Deu 26:6
- 20Jer 33:4, Jer 6:6, Ecc 9:14, 2Ch 26:15, Ezk 17:17, Isa 37:33, Deu 1:28
Topics in this chapter
23
Agriculture, Amorites, Armies, Betrothal, Bulwark, Captain, Captive, Cowardice, Dedication, Faith, Fort, Fruit Trees, Hivites, Horticulture, House, Jebusites, Massacre, Perizzites, Priest, Servant, Siege, Soldiers, War